زينب بت حسن حامد النور ( الكبير )

هي كريمة حسن حامد ود النور، وأمها هي فاطمة بت الفكي حامد ود مكي العمرابي (شقيقة سارة بت حامد حرم الفكي عبدالماجد "السناري" حامد النور). تزوجت زينب، في البدء، من الفكي ود عيسى الأنصاري (من أهالي مسيد ود عيسي بولاية الجزيرة وخريج الأزهر الشريف) ولم يرزق منها فإنفصلا بعد خلاف. تزوجت مرة أخرى، من عثمان عبدالهادي الجعافري (من قبيلة الجعافرة بقرية أم جَر بنواحِي الدويم وله صلة قربى بآل الأستاذ أحمد مهدي بحي أبي روف كما لوالدته علاقة بحوش الفيل بالموردة). أنجبت زينب منه إبنتهما الوحيدة فاطمة (تعرف بحاجة "كتيرة" بت عثمان). بعد إنفصال زينب عن زوجها، بقيت الإبنة إلى جانب والدها، والذي ولى، لاحقا، الشيخ عبدالرحمن "الشنقيطي" سليمان حامد أمر رعاية وتربية الطفلة وأوصاه عليها بآخر القول: (سلّمتك ليها في الدنيا .. تسلّمني ليها في الآخرة). شبت الطفلة كتيرة وترعرعت بحوش آل عبدالرحمن "الشنقيطي" في رغد من العيش بين أهل أُمها حتى زوجها عبدالرحمن (الشنقيطي) لإبنه حسن. في حياتها، أشتهرت حاجة كتيرة بالحزم والشكيمة وقوة الشخصية والمبادرة، وكان يُسمع لها.

تزوجت: عثمان عبدالهادي الجعافري. أنجبت له: فاطمة (كثيرة بت عثمان).