آمنة بت حسن حامد النور ( الكبير )

هي كريمة حسن حامد ود النور (شقيق الفكي عبدالماجد "السناري" حامد). وهي عمرابية أصلا سنارية موطنا. أمها هي فاطمة بت الفكي حامد ود مكي العمرابي. وآمنة هي شقيقة مدينة بت حسن (جدة ناس الصعيد ومدينة الحُجاج غرب سكر سنار)، السرة (والدة الشيخ محمد بله، الشيخ حسن، الشيخ عبد الكريم، الشيخ سليمان)، زينب (والدة حاجة كثيرة "فاطمة" بت عثمان)، ويوسف ود حسن (والد أسماء بت فاطمة). وآمنة أولى زوجات الفكي محمد عبدالماجد وهي، في الحسبة، إبنة خالته وإبنة عمه من جهة أخرى تزوجها بولاية عمه حسن حامد النور (والدها) وأقامت معه بسنار القديمة (مُكوار) وبقيت بعصمته حتي وفاتها في العام 1927م بالبُقعة (أمدرمان). من أبنائها: الشيخ عبدالعزيز (الدباغ)، سارة بت الفكي (حرم محمد الفكي العوض عبدالماجد ود بشير) فاطمة (أم شيخ الطيب حمدناالله)، الشعراني (توفي في صغر).

تزوجت: الفكي محمد عبدالماجد حامد. أنجبت له: الشيخ عبدالعزيز (الدّباغ)، سارة (بت الفكي)، فاطمة، شعراني.