الفكي حامد ود النور ( الكبير )

هو الشيخ حامد ود النور ود عبدالكريم ود علي نجل الولي الصالح الشيخ حامد (أب عصاة سيف). الأخير نجل الشيخ عمر ود بِلال ويعرف نسله بالعمراب وهم فرع من قبيلة الجعليين. والشيخ الفكي حامد ود النور عمرابي المنبت من قرية جبل أم علي شمالي الخرطوم وله من الذرية إثني عشر من الأبناء من زوجتين. تزوج، بدءا، من آمنة بت مكي ود علي، إبنة خاله، وأُرزق منها بأبنائه: محمد (جد عمراب حلفايا الملوك)، فاطمة (جدة عمراب كرْكوج الشريف الخاتم بولاية النيل الأزرق)، بت المِنَى (أقامت بقرية المسعودية)، رقية (يتفرع منها شيخ عباس الفكي علي وذريته وقد إستقر بعضهم بالنهود والأبيض وبعضهم بالخرطوم)، وأخيرا زينب (أقامت بقرية الحجاج ريفي غرب سكر سِنار). تزوج الشيخ حامد، مرة أخرى، من مدينة "الحُر" بت ود أحمد، إبنة عمه، فأنجبته من الذرية: النور (جد عمراب شندي، قرية المسيد بولاية الجزيرة، والخرطوم)، الشيخ الفكي عبدالماجد "السناري" وأشقائه سليمان، حسن، بله، الماحي، ثم بنتا سماها (آمنة) تيمنا بزوجته الأولى آمنة بت مكّي ما أغضب أمها مدينة تسمية إبنتها على ضرتها فلقبتها بـ (آمنة الأبيق) مشبهة إياها بفِدوة من الذهب أُشتهرت على تلك الأيام وفي رسالة للزوج، فيما يبدو، بعدم رضاها بتلك التسمية. لأم سهمين ينتسب أولاد حاج حمزة (وهي جدة مصطفي "الشريف" محمد الحسن بحي بانت بأمدرمان والد الدكتور عبدالعزيز مصطفى وأشقائه إلياس، عمر، محمد، كمال، صلاح، عبدالكريم، سِتنا، و د. مُنى). كما ينتسب حسن محمد حاج عباس أحمد "المنصوري" شكر الله بحلفاية الملوك والد الأستاذ محمد حسن حاج عباس وإخوته (عبدالعزيز، سراج، حمزة، أحمد، آمنة، وعواطف). أيضا، ينتسب ناس أحمد القاضي والأمين بالموردة.

تزوج: آمنة بت مكّي. أنجبته: النور، محمد، فاطمة، رقية، بت المِنى، زينب.

تزوج: مدينة بت ود أحمد (مدينة الحُر). أنجبته: سليمان، حسن، عبدالماجد، بلّه، الماحي، آمنة (الأبيق).